චීන ගෙදර කිරිල්ලිගේ ගීතය - ලලිත් තිඹිරිපොල

සැමදා උදේ පාන්දර හතර වනවිට

චීන ගෙදර කිරිල්ලී අරඹයි ඇගේ සංවාදය

වහා එක්වේ සියගණන් කුරුළු කිරිලියෝ

දිගු කථාබස් ඉන්පසුව පැය දෙකක් පමණ

හිතුවා මමත් දවසක්

මෙයට එක්වීමට

නැති වු කැලයක් ගැනද මේ

කථා බහ, ඇසුවෙමි මම

“උඹ දන්න දෙයක් නෑ”

කීවා චීන ගෙදර කිරිල්ලී

අපි ඉන්න නගරයේ ගීයයි අපි කියන්නේ

යටගියාවේ නොව සංක්‍රමනේ සංවාදය

මේ අප කියන්නේ

පසු තැවිලි කථාවක් නොව,

සතුටු සාමිචියක් කියා එම කි‍රිල්ලී

නැලවිලි හඩින් කී ගීයට

සියගණන් සියොතුන්

එක්විය නැවතත්